Մեղրի ոչ այնքան օգտակար հատկանիշները. tert.am

Մեղրի օգտագործումը տարածված է եղել հնագույն ժամանակներից` դեռևս քարանձավաբնակ մարդկանց մոտ: Մեր օրերում մեղրի վաճառքին և օգտագործմանը նպաստում են նեկտարի օգտակարության և շաքարի վնասակարության մասին շրջանառվող տարբեր տեղեկությունները:

Ինչպես գրում է Daily Mail-ը` մեղրի օգտակարությունը կապված է դրա պարունակության մեջ 55 տոկոս ֆրուկտոզայի առկայությամբ, սակայն ոմանք պնդում են, որ մեղր ուտելը քիչ է օգտակար օրգանիզմի համար, քան շաքարավազի կիրառումը, ինչ համար մի շարք պատճառներ են նշվում:

Մեղրը ևս շաքար է

Ռաֆինացված շաքարը (սախարոզ) մշակվում է մեր օրգանիզմում` ինսուլինի կողմից, որն արտադրում է ենթաստամոքսային գեղձը: Մեղրը 55 տոկոսով կազմված է ֆրուկտոզայից, որը մշակվում է լյարդի կողմից: Չնայած առկա քիմիական տարբերությանը` օրգանիզմում նմանօրինակ գործընթաց է տեղի ունենում:

Մեղրը բարձր կալորիականություն ունի

Մեղրն իրականում ավելի շատ կալորիաներ է պարունակում, քան սեղանի շաքարը: Մեկ թեյի գդալ բնական մեղրը պարունակում է 22 կալորիա, իսկ շաքարի մեկ թեյի գդալը` 16:

Մեղրը առողջարար չէ ատամների համար

Անգլիայի Հանրային առողջության կլինիկայի իրականացրած հետազոտությունը պարզել է, որ շատ երեխաներ 3 տարեկանում ատամների քայքայում ունեն, ինչի համար զգուշացնում է զերծ մնալ չրերից, շաքարից, մեղրից ու նմանօրինակ քաղցրավենիքից:

Եվ մաշկը…

Լոնդոնյան կլինիկայի բժիշկը պնդում է, որ մեղրի մեջ առկա գլյուկոզան, ֆրուկտոզան և ածխաջրերը քայքայում են կոլագենը, ինչպես և շաքարը:

Հարցեր, պատասխաններ, մեկնաբանություններ